Kakome, eksploziv fshatit turistik

SARANDE- Rikthehen sulmet me eksploziv ne Sarande. Kete here objekt eshte bere fshati turistik i Kakomese. Persona ende te paidentifikuar nga policia kane vendosur te pakten 200 gr eksploziv afer portes hyrese, duke shkaktuar deme te shumta materiale. Per fat te mire nuk ka pasur te lenduar dhe rojet kane shpetuar per mrekulli, megjithese shperthimi ishte shume i fuqishem. Policia deklaroi dje se dyshohet qe autoret te jene banore te sones se Nivices, qe pretendojne edhe pronesine e truallit ku po kryen punime firma franceze. Konfliktet linden dy vjet me pare me protesta te banoreve, kercenime ndaj punetoreve te firmes, sulme fizike ndaj policise dhe drejtuesve, demtim te mjeteve te punes dhe se fundi sulm me eksploziv. Ngjarja eshte shenuar rreth ores 01:00 te mengjesit te djeshem, kur policia vendore u njoftua per nje shperthim te fuqishem qe dyshohej se ishte tritol. Edhe pse policia ka shkuar menjehere ne kantierin e ndertimit te fshatit turistik ku kryen punime firma "Riviera", per llogari te kompanise franceze, ngjarja ka rezultuar se paku deri ne mbremjen e djeshme pa autor. Burime zyrtare thane se eksplozivi ka shperthyer 1,5 metra larg portes hyrese te kantierit ne Kakome. Forca te shumta te Komisariatit te Policise Sarande kane mberritur ne vendngjarje. Sic informojne burimet policore, ekspertet antieksploziv kane percaktuar se sasia e vendosur mund te jete rreth 200 gram e llojit amonit malor. Si pasoje e shperthimit ka pasur vetem deme materiale, duke demtuar porten hyrese te postbllokut te vendosur ne hyrje te kantierit ne Kakome. Nga ana e agjenteve te policise kriminale kane nisur hetimet dhe si piste me e mundshme eshte percaktuar "presioni per shkak te konflikteve te pronesise". Dyshimet bien mbi banoret e fshatit Nivice, te cilet jane bere shpesh protagoniste te konflikteve ne Kakome, konflikte te cilat kane perfunduar me te plagosur, shkaterrim makinash, vjedhje, pengim te transportit, bllokim rruge dhe te arrestuar.

B. Bejko

Precedentet

Rasti i dites se djeshme eshte i teti ne harkun kohor te nje viti qe regjistrohet ne qytetin e Sarandes, ku eshte perdorur sasi eksplozivi ndaj banesave apo bizneseve te ndryshme. Po deri tani asnje autor nuk eshte zbuluar dhe askush nuk eshte vene para drejtesise.