Kali pullalli si makinë pa frena

BE-së, Amerikës, i zu goja lesh

Mbi kalin e frikës, Saliu veç qesh:

“Largohu moj frikë, skërmitet me dhëmbë

Ah, moj Amerikë, të t’kisha në këmbë..

..Nuk ma ke takatin, që të më bësh puç

Jam purtekë e vjetër, kam qenë dhe i kuq

Në Prokurori do të bëj remont

Nuk pyes për njeri, as për Silvia Kont..

..Po, po, atëherë Silvia Kont u tha

Ah, more të mjerë, unë bëja shaka

Bëj shaka mor burrë, ta hiqni merakun

Ashtu si sikur, bëra me Sollakun..

..Më njihni ju mue, kalit i kam hyp

Dhe tregoj për juve, veç shaka me krypë

Qenka prokurore? Është një pesë me hiç..”

Duan puthadore, Berishë e Fazlliç

“..Mos na grij përshesh, motër opozitë

Do të nxjerr në shesh, gjithë fotografitë

Kur veten ta shihni, cullak, lakuriq

Hundën do ti puthni, shokut tim Fazlliç...”

Fillon të lëkundet, Saliu mbi kalë

Mundohet sa mundet, rrena mos i dalë

Kali pullalli, si makinë pa frena

Or shoku Sali, s’i dilet me rrena.