Kameron-Obama Bashkepunim i forte mes dy vendeve

Kryeministri britanik Dejvid Kameron është mirëpritur nga presidenti amerikan Barak Obama në Shtëpinë e Bardhë, me një përshëndetje prej 19 të shtënave në ajer.
Pas ceremonise të dy liderët kanë mbajtur nga në fjalim.
Obama e ka quajtur aleancën mes dy shteteve të “domosdoshme” dhe si “një nga më të mëdhatë që bota ka parë ndonjëherë.
“Ne besojme se qytetarët tanë duhet të jenë të aftë të jetojnë të lirë nga frika. Ashtu si dhe breza para nesh, ne qëndrojmë të bashkuar për të mbrojtur vendet tona dhe kundër atyre që do të terrorizojnë njerëzit tani. Ne besojmë në të drejtat universale të njeriut, prandaj në mbështesim ata që kërkojnë të zgjedhin vetë liderët e tyre dhe të ndryshojnë të ardhmen, përfshirë njerëzit e guximshëm në Lindjen e Mesme dhe Afrikën e Veriut, që meritojnë të njëjtat të drejta dhe liri si të gjithë njerëzit.
Ndërsa Kameron tha se si SHBA-ja dhe Britania e Madhe janë dy vende që prej shekuj mbështeten tek njëra-tjetra dhe kështu do të vazhdojnë.
“Që nga Ballkani deri në Bagdad, prej shekujsh tashmë ne kemi qenë krenarë që kemi qenë me ju. Britania dhe Amerika e dine se mund të mbështeten tek njëra-tjetra, sepse ne jemi aleatë. Jemi jo vetëm të përgatitur për të thënë gjënë e duhur, por për të bërë gjënë e duhur, të promovojnë vlerat tona. Marrëdhëniet mes vendeve tona, mes popujve tanë, ka qenë dhe do të jetë lidhja më e fortë që bota ka parë ndonjëherë.
Të dy liderët së bashku me bashkëshortet e tyre kanë përshendetur nga ballkoni i shtëpisë së bardhë të pranishmit në ceremoni.