"Kamza nje qytet i ri, mandati i dyte do te garantoje dyfishim te investimeve"

Kreu i ekzekutivit ka peruruar disa vepra te ndertuara pikerisht ne periferi te kryeqytetit, aty ku ka pasur gjithnje mbeshtetjen e padiskutueshme ne tere keto vite, duke e afruar trajektoren e investimeve afer bashkise qe kryeqytetit, qe qeveriset nga Rama. Kryeministri Berisha u shpreh dje ne Kamze, i sigurt per nje mandat te dyte te qeverise qe ai drejton. Kjo siguri sipas Berishes, vjen per faktin se qeveria e drejtuar prej tij ka mbajtur te gjitha premtimet e dhena, dhe kjo mund te verehet me se miri edhe ne transformimin e bashkise se Kamzes. Sipas Berishes, qytetaret shqiptare kane mencurine e duhur per te bere diferencen mes alternativave, qe do t'iu paraqiten ne zgjedhjet e ardhshme. "Ne po ecim drejt nje mandati te dyte. Dy platforma jane shpallur sot para shqiptareve. Te dyja flasin per ndryshimet. Ne ju themi se dyfishimi i pensioneve ne fshat eshte ndryshim, kurse pala tjeter thote se pensionet nuk do te dyfishohen ne fshat", deklaroi Berisha, duke shtuar se qeveri ka kryer reforma ne te gjithe sektoret e vendit pa perjashtim. Ne viziten qe Berisha beri ne Kamze, mori pjese ne perurimin e godines se kopshtit te ri, investim me vlere 34 milione leke, po keshtu edhe ne godinen e re te komisariatit te policise, investim me vlere 104 milione leke. Ne takimin me qytetare te Kamzes, kryeministri Berisha shprehu kenaqesine qe ne keto dy vite, ne kete bashki jane investuar ne infrastrukture rreth 3 miliard leke, kundrejt 500 milione lekeve te investuara ne 8 vite se bashku. Kryeministri siguroi se ne mandatin e dyte, investimet per Kamzen do te trefishohen. Ai e quajti Kamzen qytetin me te ri ne Shqiperi dhe tha, se eshte investuar gjate kesaj periudhe ne kete qytet per infrastrukturen, sherbimet, per ujin, shkollat, dritat 3 miliarde leke, kundrejt 500 milione lekeve gjithsej te investuara ne 8 vitet e marra se bashku.

Stadiumi i Kamzes, Berisha takon futbollistet

Kryeministri Berisha vizitoi dje edhe stadiumin e qytetit te Kamzes, per peruruar edhe rikonstruksionin e tij qe i ka kushtuar buxhetit te shtetit 45 milione leke. Gjate kesaj vizite kryeministri u takua me ekipin e futbollit, te cilet i pergezoi per emocionet dhe vlerat qe i dhurojne qytetit te tyre te sapokrijuar. Nderkohe ai nuk ka munguar qe te shkelmoje topin e futbollit, duke rivalizuar me kryesocialistin Rama, i cili per hir te se vertetes, ka qene nje basketbollist me ekipin e Dinamos.