Kanada, dy shqiptarë në garë për deputet

Pas kandidimit të shqiptarit Lulzim Laloshi për në parlamentin federal në vitin 2008, tre vjet më pas jo një, por dy shqiptarë kandidojnë për t`u ulur në një nga 107 vendet e deputetëve të Ontarios, provincës më të madhe të Kanadasë.

Sipas agjensisë së lajmeve “Ina” dy kandidatët janë Gerti Dervishi dhe Mark Jagg. E përbashkëta është se janë shqiptarë. E veçanta është se njëri i përket brezit të ri të emigrantëve shqiptarë, ndërsa tjetri i takon brezit të hershëm të emigrantëve shqiptarë, pasi ka lindur në Kanada. Politikisht, i pari kandidon nën flamurin e Partisë së Re Demokratike, ndërsa i dyti është kandidat i pavarur.