Kanuni në Odë

‘Kanuni’ është një dramatizim i situatave jetësore të inspiruara nga ‘Kanuni i Lekë Dukagjinit’, i shkruar në shekullin XV, që përfaqëson një sistem ligjesh dhe rregullash të jetës shoqërore të shqiptarëve ndër shekuj.

Duke përdorur formën e shprehjes teatrore, shfaqja shpalos shpirtin njerëzor që gjen mënyra të mbijetojë në situata të pasigurisë dhe të së mundshmes së papritur, duke gjetur kualitetet e së vërtetës që askush nuk mund ta vë në dyshim.

Ideja e shfaqjes bazohet në prezantimin e fjalive nga Kanuni në formën e tyre origjinale. Prandaj, qasja fokusohet në teatrin e trupit dhe lëvizjes përgjatë 9 situatave të nxjerra nga libri (Familja, Shtëpia, Mysafiri, Bota, Tregtia, Oda, Trashëgimia, Kufiri, Vdekja).

Shfaqja ‘Kanuni’ jepet në Teatrin Oda, në Prishtinë, të mërkurën, nga ora 20.