Kapet duke shitur heroine, heq veten si perdorues

Durres- Nje 46-vjecar u ndalua si i dyshuar per shperndarje te lendeve narkotike ne qytetin e Durresit. Burime zyrtare te policise, bene te ditur se Flamur Mema eshte kapur ne flagrance nga agjentet e Antidroges, pas nje operacioni te befasishem te kryer mesditen e djeshme ne qender te qytetit, nje nga zonat e frekuentuara nga te rinj dhe nxenes shkollash. Ne momentin e kontrollit fizik dhe te mjetit te tij, Memes iu gjeten 12,20 grame lende narkotike te llojit heroine, e cila ishte e ndare ne 26 doza, gati per t'u shitur tek klientet. Informacione zyrtare nga policia bejne te ditur se i arrestuari nuk ka pranuar se narkotikun do e shiste, duke u shprehur se e perdorte vete, pasi ishte perdorues. Por kjo deshmi ka rene menjehere poshte, vetem pas provave te bera publike nga Policia e Qarkut Durres. Mema sipas policise mbahej nen vezhgim, pasi njihej si kontingjent kriminal, kurse pas analizave te mjeko-ligjorit eshte arritur ne perfundimin se 46-vjecari nuk ishte perdorues. Agjentet kane kryer aksionin ne momentin qe ishin siguruar informacionet se i dyshuari, levizte se bashku me sasine e lendes narkotike.

E. Arapi