Kapllani, "vrer" ndaj trajnerit te kombetares

Edmond Kapllani eshte lene serish jashte kombetares dhe nese e kaloi ne heshtje mos grumbullimin para Maltes, ka reaguar, per vendimet e fundit te trajnerit. "Jam totalisht i zhgenjyer," - theksoi Kapllani. "Deri dje isha lojtar titullar, i ekipit tone kombetar, kurse tani nuk jam me pjese, gje qe me ngjall habi." Edmond Kapllani deklaron nga Gjermania, se trajneri nuk ka marre guximin qe ta njoftoje dhe t'i tregoje ndonje arsye, se perse e ka lene jashte formacionit. "Nuk me ka thene asgje. Pas ndeshjes se fundit, qe jam grumbulluar, nuk kam pasur asnje komunikim, qofte edhe telefonik me trajnerin e kombetares. Per kete arsye jam teresisht i zhgenjyer," - perfundon autori i pese golave me kombetaren tone. Gjate ketij sezoni, Kapllani ka gjetur shume pak hapesire, ne Gjermani, me Karlsruhen. Ai nuk ka shenuar asnje gol dhe ne kater ndeshjet e kaluara, kur ka qene i grumbulluar, Kapllani nuk eshte preferuar ne formacionin baze.