“Lojërat për të njollosur figurën time, fantazi e sëmurë kalimi im te FRD”

Reagon anëtari i këshillit bashkiak të PD-së, Gëzim Karapici

Këshilltari i Partisë Demokratike në Këshillin Bashkiak të Tiranës Prof. Gëzim Karapici përgënjeshtron si tërësisht të pavërtetë dhe pa asnjë bazë pretendimin e botuar në një të përditshme sikur ai është larguar nga grupi i këshilltarëve demokratë. Karapici deklaron se ka qenë, është dhe do të vazhdojë të jetë anëtar i Grupit të Partisë Demokratike në Këshillin Bashkiak. “Lojërat e ulëta për të njollosur figurën time publike janë produkt i fantazisë së sëmurë dhe mungesës së etikës elementare”, përfundon deklarata e Karapicit.