Kardashian fiton 18 milionë $ nga martesa
Nga Express më 23 gusht 2011 në ora 21:00
Kim Kardashian dhe Kris Humphries u martuan të shtunën dhe organizuan një ceremoni madhështore me 440 të ftuar, ashtu siç i ka hije njerëzve të pasur dhe të famshëm.
Por, interesant është fakti se çifti ka fituar 18 milionë dollarë nga dasma, ndryshe nga njerëzit e thjeshtë të cilët llogarisin humbjet pas ceremonisë.
Si është e mundur kjo? Së pari, dasma është filmuar për një program që do të transmetohet nga kanali “E!” dhe ‘New York Post’ llogarit se nga kjo do të merret një fitim prej 12-15 milionë dollarësh.
Së dyti, revista ‘People’ pagoi 2.5 milionë $ për të drejtat ekskluzive të fotove të martesës së Kardashian me basketbollistin ndërsa revista ‘OK’ pagoi 100 mijë $ për fotot e përgatitjes së dasmës. /tch/