PS kunder takses se re vendore

Grupi parlamentar i Partise Socialiste do te votoje kunder projektligjit per taksen vendore. Ne mbledhje e djeshme, ligjvenesit socialiste kane diskutuar sa i takon ceshtjes se takses vendore, duke ndjekur te njejten linje kundershtuese, sikunder dhe ne Komisionin parlamentar te Ekonomise. Ne kete menyre, duke i meshuar me force faktit qe ky ligj perkeqeson klimen e biznesit dhe per me teper nuk jane marre parasysh kerkesat e ketij grupi shoqeror, socialistet vendosen dje qe te votojne kunder tij. Por, nje projektligj i tille eshte hartuar nga Ministria e Financave ne bashkepunim me nje grup ekspertesh te Bashkise se Tiranes. E per rrjedhoje, eshte pikerisht Partia Socialiste, ajo qe kundershton ne teresi kete projekt, pavaresisht se nje pjese e mire e tij permban kerkesat e vete bashkise se kryeqytetit. Por duke qene se per pjesen me te madhe te neneve te projektligjit, ekspertet e bashkise nuk kane qene dakort, grupi socialist vendosi te jape voten kunder ne te gjitha komisionet parlamentare. Sinjalet e qarta kunder te selise roze mbi kete projektligj u dhane qe ne diskutimet ne komisionet perkatese parlamentare. Madje, bashkepunimi Qeveri-Bashki, sa i takon takses vendore, ishte dhe nje nga pikat e debatueshme mes kryetarit te PS-se, Edi Rama dhe deputeteve socialiste, te cilet ne mbledhjet e forumeve drejtuese i kerkuan kryetarit te tyre, te mos bashkepunonte me Kryeministrin Berisha, e aq me pak ne raste kur vete keto forume nuk jane ne dijeni. Ndalur ne kete nisme, grupi kuvendor do ta kundershtoje deri ne fund. Per kete arsye, kryetarja e Grupit kuvendor socialist, Valentina Leskaj, gjate nje prononcimi per shtyp, vleresoi se "projekti i paraqitur nga Partia Demokratike nuk eshte serioz, nuk i sherben qofte pushtetit vendor, apo permiresimit te cilesise se jetes se njerezve. Perkundrazi, ai reflekton pamundesine e mazhorances per te mbledhur taksa dhe perpiqet qe te shtoj taksa". Njekohesisht, duke dhene qendrimin e PS, Leskaj vuri ne dukje nevojen per reforme dhe pakete integrale, per sa i perket sistemit te taksave ne vend.

Gjate diskutimeve ne Kuvend, deputetet socialiste kane insistuar ne faktin se per vendosjen e taksave ne sektorin e pasurive te paluajtshme duhet te ishte degjuar zeri i grupeve te interesit.

Sqarimi

Qeveria "Berisha" ka kembengulur ne vijimesi se jane zhvilluar te gjitha konsultimet me grupet e interesit, dhe se rishikimi i taksave i eshte pergjigjur zhvillimit te tregut te pasurive te paluajtshme.