Karimov: Jo hetim ndërkombëtar

21/05/2005  Kombet e Bashkuara thonë se Presidenti uzbek, Islam Karimov, ka hedhur poshtë kërkesat për një hetim ndërkombëtar për vrasjet javën e kaluar nga forcat e sigurisë të një numri të madh demonstruesish antiqeveritarë në qytetin e Andixhanit. Ai i tha Kombeve të Bashkuara se lejimi i diplomatëve dhe gazetarëve për të vizituar Andixhanin javën e kaluar ishte i mjaftueshëm. Megjithatë në një intervistë dhënë BBC-së, Komisionerja e OKB-së për të drejtat e njeriut, Luis Arbor, tha se vizita e shkurtër dhe tejet e kontrolluar nga autoritetet, nuk ishte e mjaftueshme për të mësuar më shumë fakte. Qeveria uzbeke thotë se 169 vetë u vranë, shumica e tyre militantë islamik. Por organizatat e të drejtave të njeriut, thonë se ato besojnë se deri njëmijë civilë mund të jenë vrarë dhe se ushtarët uzbekë kanë bërë edhe ekzekutime të disa prej të plagosurve.