Kartat, Rama: Vendi, po futet në qorrsokak

Kryetari i Partisë Socialiste Edi Rama ka zhvilluar sot në ambientet e kësaj partie një takim me përfaqësuesit e ODHIR-it të mbërritur në Tiranë pak ditë më parë. Pas takimit, kreu socialist theksoi se qeveria po e fut vendin në qorrsokak, për shkak të mos pajisjes së qytetarëve me karta identiteti. Sipas Ramës opozita shpreh shqetësimin për personat që nuk votojnë sepse nuk janë të pajisur me kartën e identitetit. Gjithashtu kreu socialist u shpreh se opozita nesër do ti paraqesë mazhorancës një propozim për të ndihmuar procesin.