Katër emra në garë për pankinën

Sipas edicionit të djeshëm të “La Gazzeta dello sport”, Sinisha Mihajloviç mbetet kandidati numër një për të zëvendësuar Zhoze Murinjon në pankinën e Interit. Tekniku serb i Katanias e ka ndjekur finalen nga Bernabeu. Ndërkohë që po ngrihen gjithnjë edhe më shumë kuotat për Fabio Kapelon. Më në distancë ndjekin Benitez dhe Hidink, ndërsa përfliten ende edhe emrat e Spaletit, Guardiolës dhe Rijkardit. Sikurse mësohet nga shtypi spanjoll, Interi ka kontaktuar tashmë me menaxherin e trajnerit të Barcelonës, Pep Guardiola, Hosep Maria Orobitg. Por El Mundo Deportivo thekson së për teknikun interesohet edhe Milani.