Katër prokurorë të Durrësit ndjekje disiplinore në këshill
21/02/2010 “Shpëton” ish-drejtuesi Arjan Ndoja
Katër prokurorë të rrethit të Durrësit janë proceduar dje disiplinarisht nga Kryeprokurorja Ina Rama, pasi gjatë inspektimit të dosjeve të tyre janë konstatuar shkelje të rënda hetimore. I vetmi që duket se i ka shpëtuar ndjekjes disiplinore është ish-drejtuesi Arjan Ndoja, i cili pak kohë më parë dha dorëheqjen si pasojë e një debati të ashpër të zhvilluar me Kryeprokuroren Rama. Katër emrat e prokurorëve që do të ndiqen disiplinarisht në këshill janë Eduart Kariqi, Ilir Tuja, Dritan Gina dhe ish-zëvendësi i Ndojës, Drini Pali. Dje në Këshillin e Prokurorisë së Përgjithshme është zhvilluar seanca e parë për 4 të përmendurit, ku anëtarët e kësaj strukture janë njohur me raportin e shkeljeve të secilit prej tyre. Mësohet se për prokurorin Gina, kjo ndjekje disiplinore është hera e dytë, pasi ai është proceduar edhe njëherë tjetër në periudhën kur punonte në Prokurorinë e rrethit Lushnjë. Ndërkohë për sa i përket votimit të kandidatëve për kryeprokuror në Durrës, burimet sqaruan se kjo gjë është shtyrë për ditën e mërkurë. Për këtë post janë në garë 13 prokurorë, midis të cilëve janë edhe disa drejtues aktualë.
E. Qyno
Katër prokurorë të rrethit të Durrësit janë proceduar dje disiplinarisht nga Kryeprokurorja Ina Rama, pasi gjatë inspektimit të dosjeve të tyre janë konstatuar shkelje të rënda hetimore. I vetmi që duket se i ka shpëtuar ndjekjes disiplinore është ish-drejtuesi Arjan Ndoja, i cili pak kohë më parë dha dorëheqjen si pasojë e një debati të ashpër të zhvilluar me Kryeprokuroren Rama. Katër emrat e prokurorëve që do të ndiqen disiplinarisht në këshill janë Eduart Kariqi, Ilir Tuja, Dritan Gina dhe ish-zëvendësi i Ndojës, Drini Pali. Dje në Këshillin e Prokurorisë së Përgjithshme është zhvilluar seanca e parë për 4 të përmendurit, ku anëtarët e kësaj strukture janë njohur me raportin e shkeljeve të secilit prej tyre. Mësohet se për prokurorin Gina, kjo ndjekje disiplinore është hera e dytë, pasi ai është proceduar edhe njëherë tjetër në periudhën kur punonte në Prokurorinë e rrethit Lushnjë. Ndërkohë për sa i përket votimit të kandidatëve për kryeprokuror në Durrës, burimet sqaruan se kjo gjë është shtyrë për ditën e mërkurë. Për këtë post janë në garë 13 prokurorë, midis të cilëve janë edhe disa drejtues aktualë.
E. Qyno