Kater vajza fitojne bursa studimi
"Fashion Tv Party" eshte ndalur ne qytetin e Vlores, mbremjen e se shtunes, ku edhe pse ne ditet e fundit te sezonit turistik, ka arritur te terheqe vemendjen e pushuesve. Qindra te rinj, te apasionuar te modes dhe spektaklit, por dhe kurioze per eventin e "Fashion TV", ekskluzivitet i Dhomes Kombetare te Modes, kane mbushur ambientet e "Sumer Depo", i vendosur ne buze te detit. Por realizimi i ketij aktiviteti u mundesua fale nje bashkepunimi te shkelqyer mes Dhomes Kombetare te Modes dhe Bashkise se Vlores. Vete kryetari i Bashkise se Vlores Shpetim Gjika, i njohur per mbeshtetjet dashamirese ne fushen e sportit dhe kultures, shprehu gadishmerine edhe per bashkepunime te tjera. Surpize kete rradhe per modelet shqiptare, e rezervuar nga Presidentja e Dhomes Kombetare te Modes, Diana Cekodhima, ishte prania e perfaqesuesve te "Falco Production", agjenci operuese italiane ne fushen e kinematografise, te cilet kane perzgjedhur kater nga vajzat modele, duke iu ofruar atyre bursa studimi ne kete fushe. Atmosfera ka qene e ndezur jo vetem ne pasarelen e shtruar me tapet te kuq, por edhe ne ambientet e DJ, ku te ftuarit e radhes ishin nje djalosh italian si dhe DJ Kelly Marie, vajza nga Londra, performanca e se ciles kaloi cdo parashikim. Pervec te apasionuarve te rinj pas modes, te pranishem ishin edhe emra te njohur per publikun shqiptar si regjisori Petri Bozo me bashkeshorten Alda Bida, stilistja Rezarta Skifteri, perfaqesues te Bashkise se qytetit si dhe personazhe te tjere te spikatur. Performance ekzaltuese solli ne skene edhe kengetari Artan Brraka se bashku me grupin e tij, koreografi i talentuar i Dhomes Kombetare te Modes, Ledio, por edhe entuziazmi i te shumenjohures Paloma. "Atmosfere festive dhe e ngrohte, por njekohesisht edhe teper fashionable dhe masive. Them se ja kemi arritur qellimit". Keto kane qene fjalet e Presidentes se Dhomes Kombetare te Modes Diana Cekodhima, teksa nenvizon se brenda shtatorit do te zhvillohet ne Tirane finalizimi i "Fashion TV Party" me te ftuar speciale, per te vijuar me pas ne Prishtine, si dhe me aktivitete te tjera.