Katzav dënohet më 7 vjet burg
Nga Express më 22 mars 2011 në ora 14:00
Ish-presidenti i Izraelit, Moshe Katzav u dënua me shtatë vjet burg, mbi bazë të akuzave për dhunim dhe krime tjera seksuale.
Katzav u shpall fajtor në dhjetor për dhunimin e një punëtore në vitin 1988, kur ishte ministër i Turizmit.
Gjykata gjithashtu e dënoi ish-presidentin për ngacmim seksual të dy femrave, që punonin për të, kur Katzav ishte president i Izraelit, në periudhën nga viti 2000 deri në vitin 2007.
Katzav është zyrtari më i lartë publik në Izrael, që është dënuar deri më sot për vepra kriminale.
Presidenca në Izrael është kryesisht post ceremonial.