Kavajë, skrepi dëmton linjat telefonike

01/02/2005  Ora 22.00 e së dielës ka shënuar konstatimin e dëmtimit të kabllit optik të linjave telefonike të zonës së Jugut. Burime policore nga komisariati i Kavajës, bëjnë të ditur se te vendi i quajtur "Përroi i agait", një firmë private që punonte me skrep për hapjen e vendit të themeleve të një godine, ka shkëputur linjën telefonike. U kryen veprimet proceduriale dhe po punohet për identifikimin e pronarit të skrepit që ka kryer punime.