Kërkon punë të Thaçi

Ramë Manaj po mundohet të bëhet me punë nga Hashim Thaçi.

Ai ka konkurruar për pozitën e kryeshefit të Agjencisë Shtetërore të Arkivit të Kosovës në Zyrën e kryeministrit të Kosovës. Dhe faktin që vetë i takon partisë më të madhe në opozitë, Lidhjes Demokratike të Kosovës, nuk e sheh si pengesë, shkruan sot gazeta Koha Ditore.

“Unë jam anëtar i Kryesisë së LDK-së dhe kjo nuk pengon kurrgjë, ai është shërbim civil, nuk është vend politik, nuk është post politik dhe është institucion shtetëror, Agjenci Shtetërore për Arkivat e Kosovës”, i ka thënë Manaj gazetës të dielën.

Anëtari i Kryesisë së LDK-së ka dashur që askush të mos i ngatërrojë postet politike me ato civile në institucione.

“Ky ka qenë konkurs publik, në të cilin konkurron secili qytetar që ka interesin dhe vlerëson se i plotëson kushtet, dhe thjesht vlerësohet në bazë të një paneli a komisioni që vlerëson plotësimin e kushtit prej kandidatëve”, ka thënë ai. (Koha)