Keshillat e fakulteteve, kerkese unanime per konviktin Luljeta Ndoka
Fakultetet vazhdojne te japin mbeshtetjen e tyre jo vetem ndaj Kules, po ndaj kauzes qe ai mbron, per dhenien e Konviktit te Gjuheve te Huaja Universitetit te Tiranes, si prone shteterore. Mbeshtetja nuk vjen vetem per kete shkak, por sidomos per faktin se Universiteti i Tiranes ka shume nevoje per ambiente te reja, duke qene se eshte universiteti me i madh ne vend, dhe ku mesojne afro 8 mije studente te te tria cikleve te studimit. Keshtu, keshillat e fakulteteve ne menyre te pavarur jane mbledhur dhe kane vendosur qe t'i kerkojne kryeministrit te vendit Sali Berisha, qe prona shteterore e Konviktit te Gjuheve te Huaja t'i jepet per shfrytezim Universitetit te Tiranes dhe jo subjekteve private. Kjo, vetem per faktin se UT ka shume nevoje. Me konkretisht, mbledhja dhe vendimet e keshillave te 8 fakulteteve te Universitetit te Tiranes kane te bejne me mbeshtetjen e vendimit te Senatit te UT, i marre me 28 qershor te ketij viti, sipas te cilit kerkohet kalimi i godines se konviktit, nen administrim dhe shfrytezim te UT-se. Kerkesat e keshillave te fakulteteve kane argumentuar se fakultetet e UT-se kane mbi 8 mije studente per te tria ciklet e shkollimit, duke pasur hapesire per studente jo me shume se 0,50 meter katror. "Mesimi zhvillohet me turne dhe pa mjedise zyrash per pedagoget, bibliotekat dhe laboratoret perkates", - jane shprehur studente e pedagoge, duke mbeshtetur vendimin e UT-se per kete konvikt. Me pas, keshillat e fakulteteve kane pohuar se procedurat e deritanishme nga institucionet publike ne synim te ketij tenderimi nuk kane qene aspak transparente, dhe i kane perjashtuar krejtesisht nga e drejta e informimit dhe konkurrimit. Ne fakt, mbeshtetja ndaj vendimit te senatit por edhe kembenguljes se rektorit Kule per te marre godinen e konviktit te Gjuheve te Huaja ka qene mjaft e forte nga te gjitha strukturat jo vetem te Universitetit te Tiranes, por edhe te 11 universiteteve te tjera. Pak dite me pare te gjithe rektoret dolen ne nje deklarate te perbashket, ku argumentonin se pse e mbeshtesnin kolegun e tyre Dhori Kule. Ndersa dy dite me pas, keshilli i Profesoreve dhe i Fakultetit te Historise dhe Filologjise kerkuan nderhyrjen e kryeministrit per te zgjidhur ceshtje. "Kerkojme prej jush zoti Kryeminister qe te nderhyni personalisht per zbatimin e politikave publike te drejta dhe transparente per zhvillimin e arsimit te larte dhe te hapesirave urbane te destinuara per qellime akademike, duke mirekuptuar shqetesimin tone si profesore te instancave drejtuese qe na perfaqesojne si dhe ate te mijera studenteve qe ne formojme dhe edukojme si specialiste te ardhshem dhe qytetare aktive", - thuhet ne letren e profesoreve, drejtuar kryeministrit Berisha.
Kule: Konvikti do te zgjidhte disi problemin e ambienteve
Bashkengjitur me kerkesen qe ka bere per dhenien e konviktit nen administrim te UT, rektori Dhori Kule argumentoi se Universitetit te Tiranes i lind e drejta legjitime per ta kerkuar nje objekt publik qe te perdoret per interesat publike. Sipas rektorit Dhori Kule, godina e konviktit te Gjuheve te Huaja do te ndihmonte ne permiresimin e infrastruktures se Universitetit ne kushtet, kur numri i studenteve vazhdon te rritet. Si zgjidhje perfundimtare per ambiente do te sherbeje Kampusi i ri universitar, por deri atehere, eshte e domosdoshme qe UT-se t'i jepen ambiente te tjera, sic eshte ne rastin konkret konvikti.