Keshilli i PD, emergjenca e shtyn per ne shkurt

Shtyhet mbledhja e Keshillit Kombetar te Partise Demokrate. Keshill i cili u zgjodh me votat e delegateve te selise blu ne dhjetor te vitit te kaluar. Ndonese kryeministri Sali Berisha premtoi kohe me pare, se ky keshill, do te mblidhet ne javen e trete te janarit, mbledhja eshte shtyre per ne muajin shkurt. Situata e emergjences se krijuar ne Shkoder dhe komunat e saj nga permbytjet, ka shtyre mbledhjen e ketij keshilli per ne muajin e ardhshem. Keshilli Kombetar i PD-se, do te zgjedhe ne mbledhjen e tij te pare, kryesine e re te Partise Demokratike si dhe sekretaret e Partise Demokratike si dhe nenkryetaret e kesaj force politike. Per zgjedhjen si te anetareve te kryesise se PD-se dhe sekretareve do te zhvillohet gare ne seline blu. Kryeministri Sali Berisha, njekohesisht edhe kryetar i PD-se, ka te drejten ekskluzive te mbledhjes se Keshillit Kombetar. Per postin e anetareve te kryesise se se PD-se, pritet te kete rreth 70 kandidatura, prej te cilave do te zgjidhen 25 te tille. Nuk pritet te kete surpriza ne zgjedhjen e nenkryetareve te kesaj force politike, por ndryshim pritet te kete ne zgjedhjen e Sekretareve si atij organizativ apo te pergjithshem te partise. Votimi dhe perzgjedhja do te kryhet nga anetaret e Keshillit Kombetar te Partise Demokratike. 100 anetaret e ketij keshilli, u zgjodhen me vote ne dhjetor te vitit te kaluar nga delegatet e PD-se ne te gjithe vendin. Keta anetare do te votojne se shpejti per zgjedhjen e strukturave te larta te partise.