"Tatimet toleruan "Temen"

Botuesi Mero Baze nuk eshte kontrolluar asnjehere ne keto pese vitet e fundit, madje organet tatimore kane treguar tolerance te pajustifikueshme ne zbatimin e ligjshmerise, deklaroi dje Ministria e Financave duke reaguar per akuzat e pronarit te "Temes", pas deklarimit nga ana e tij te mbylljes se gazetes. "Ne lidhje me pretendimin e z. Mero Baze per mbyllje te gazetes "TemA" per shkak te kontrolleve selektive financiare dhe presionet qe nisin nga bilancet e gazetes prej vitit 2004, nga informacionet qe rezultuan pas verifikimeve qe ministria beri, z. Mero Baze, ka qene ne kontakt me organet fiskale ne dy raste", thote Ministria e Financave duke dhene detaje per te dy rastet e kontrollit.
"Se pari, si rezultat i kontrollit qe Drejtoria e Pergjithshme e Tatimeve, ne muajin Dhjetor 2009, ka programuar dhe filluar ne kompanise Media Enter, me ortak te vetem dhe administrator z. Besnik Sula, ky kontroll ka ardhur per shkak se ne baze te analizes se riskut kjo kompani prej kohesh ka mungesa ne deklarimet periodike te veprimtarise se saj, perfshi dhe mosdorezimin e bilancit financiar te vitit 2008. Si rrjedhoje kjo kompani ka detyrime tatimore te papaguara, - sqaron Ministria e Financave.
"Bejme te ditur se kompania ne 5 vitet e fundit, nuk eshte kontrolluar asnjehere ne organet tatimore, cka rrezon pretendimin e z. Mero Baze per kontrolle selektive nese i referohet ketij rasti", - konstaton ministria. Ajo thote se sipas dokumentacionit te QKR, kjo kompani, ka nderruar pronare (regjistrimi i fundit i ndryshimit te pronesise i perket muajit Nentor 2005) dhe megjithate ne asnje rast nuk eshte bere pagimi i detyrimeve qe lind nga transaksioni i shitjes se kompanise.
Sakaq, Ministria e Financave thote se kontrolli tatimor eshte ne proces dhe akoma nuk eshte konkluduar per rezultatet e ketij kontrolli, te cilat tha se do t'i beje te njohura ne perputhje me legjislacionin.
"Se dyti, - vijon Ministria e Financave, - shoqeria Media Soft Albania, qe sipas dokumentacionit te QKR rezulton te jete regjistruar ne Nentor te vitit 2005, ne pronesi te z. Festim Bajrami, dhe administrator z. Mero Baze, ka kryer veprime zhdoganimi te nje shtypshkronje ne vitin 2006, dhe nuk ka shlyer detyrimet doganore edhe pas afatit ligjor per pagimin e ketij detyrimi ne shumen 4,821,250 leke". Ministria tregon se shoqeria aktualisht ka akoma te papaguar, shumen prej 3,321,250 leke, pa perfshire kamatevonesat, per te cilat tha se kane filluar procedurat e nxjerrjes me force te detyrimeve doganore, ne perputhje me aktet ligjore.
"Vetem ne keto dy raste, Ministria e Financave e sheh z. Mero Baze te perfshire ne kontrolle te organeve fiskale, por duket qarte se ne asnjerin prej tyre keto organe nuk jane ne pozita selektive dhe tendencioze, por perkundrazi kane treguar tolerance te pajustifikueshme ne zbatimin e ligjshmerise", - perfundon qendrimi zyrtar i dikasterit te drejtuar nga Ridvan Bode.

Debiti
"Shoqeria Media Soft Albania, qe sipas dokumentacionit te QKR rezulton te jete regjistruar ne Nentor te vitit 2005, ne pronesi te z. Festim Bajrami, dhe administrator z. Mero Baze, ka kryer veprime zhdoganimi te nje shtypshkronje ne vitin 2006, dhe nuk ka shlyer detyrimet doganore edhe pas afatit ligjor per pagimin e ketij detyrimi ne shumen 4,821,250 leke" dhe aktualisht ka akoma te papaguar, shumen prej 3,321,250 leke, pa perfshire kamatevonesat, per te cilat kane filluar procedurat e nxjerrjes me force te detyrimeve doganore, ne perputhje me aktet ligjore"