Keshilli i Sigurimit, Sejdiu te drejten e fjales, Rusia kundershton
Raporti i Treshes nderkombetare per çeshtjen e statusit te Kosoves po qarkullon ne zyrat e OKB-se dhe vendet anetare te Keshillit te Sigurimit jane duke u marre me formatin e seances qe do te zhvillohet me 19 dhjetor. Vendet Perendimore, te udhehequra nga Britania e Madhe dhe Shtetet e Bashkuara kane mbrojtur qendrimin qe ne seance t’i mundesohet te flase ne emer te Ekipit te Unitetit kryetarit te Kosoves, Fatmir Sejdiu, i cili i ka bere nje kerkese edhe presidenti te Keshillit per kete muaj, ambasadorit te Italise, Marcelo Spatafora. Por kesaj kerkese serish i eshte kundervene Rusia dhe nepermjet nje letre, ambasadori i Serbise ka kerkuar nga Kombet e bashkuara qe te mos lejohet te flasin perfaqesuesit kosovare sepse kjo fjale “do te kishte karakter manifestimi dhe se sipas Kornizes kushtetuese te Kosoves, Qeverine e Kosoves ne seancen e Keshillit duhet ta perfaqesoje PSSP, pra Joachim Ruecker. Kjo eshte saktesuar edhe me nenin 36 te rregullores se punes te Keshillit te Sigurimit”, - eshte shprehur ambasadori i Serbise. Mirepo Uashingtoni dhe Londra kane perkujtuar nenin 39 te rregullores se punes se Keshillit sipas se ciles vendeve anetare te ketij keshilli u lejohet te ftojne kedo nese fjala ose informacionet qe sjellin konsiderohen te rendesishme per seancen apo çeshtjen qe shqyrtohet. Pavaresish nga e drejta apo jo e fjales ne seance, presidenti i Kosoves do te marre pjese dhe do te takohet me ambasadoret ne Keshillin e Sigurimit ne sallat e tjera nese jo ne ate kryesore. Raporti i Treshes negociatore iu dorezua Sekretarit te Pergjithshem Ban Ki Mun javen qe shkoi ndersa Keshillit te Sigurimit te dielen mbrema. Ky raport konstaton se pas kater muaj negociatash intensive te nivelit te larte, palet ne bisedime, Prishtina dhe Beogradi nuk munden te arrijne nje marreveshje per statusin perfundimtar te Kosoves duke konkluduar se zgjidhja e statusit perben nje çeshtje kritike per stabilitetin dhe sigurine si te Ballkanit Perendimor, ashtu dhe Europes si teresi.
15 Dhjetor 2007