Keshilli i Sigurimit, sot raporti per Kosoven

Ne kete raport, qe perfshin periudhen prej muajit nentor te vitit te kaluar deri ne fillim te ketij muaji, Ban thote se prania e misionit te OKB-se ne Kosove po shihet nga shqiptaret si pengese per funksionimin e shtetit, ndersa Rezoluten 1244 e konsiderojne te parendesishme dhe jo obliguese. Me tej thuhet se procesi i rikonfigurimit te UNMIK-ut eshte intensifikuar dhe ai do te perfundoje ne muajin qershor.

Por raporti sqaron se OKB-ja do te ruaje nje prani te vogel ne terren, sidomos ne Mitrovice, me qellim qe te raportoje rreth ceshtjeve qe kane te bejne me pakicat. Ne raportin e tij qe i eshte dorezuar vendeve anetare te Keshillit te Sigurimit thuhet se “institucionet serbe ne veri te Kosoves nuk jane te gatshme te bashkepunojne me EULEX-in per çeshtjen e doganave, ndersa lideret serbe vazhdojne te refuzojne bashkepunimin e me Zyren Civile Nderkombetare”.

Ne seancen e sotme ne Keshillin e Sigurimit, Kosoven do ta perfaqesoje Ministri i Jashtem, Skender Hyseni, ndersa Serbine presidenti, Boris Tadic. Ministri Hyseni ka thene se ne Nju Jork do te kerkoje perfundimin sa me te shpejte te misionit te OKB-se ne Kosove, me qellim qe t’i krijoje mundesi misionit evropian, EULEX, qe te jete plotesisht funksional.