Kika Mbeshtesim bashkine ne procesin e Hipotekimit te Pallateve

Ligji i kontrollit të ndërtimeve pa pronar i jep zgjidhje nje nga problemeve më të veshtirë për hipotekimin e pallateve me leje ndertimi. Shoqata e ndertueseve të Tiranës e vlerëson pozitive miratimin e këtij ligji, i cili i mundëson qindra familjeve në kryeqytet marrjen e hipotekës së banesave të tyre, e cila ka mbetur pezull për shkak te falimentimit, vdekjes apo çregjistrimit të ndërtuesit.
Ky ligj prek te gjithë ato ndërtime të cilat kanë një leje të rregullt ndërtimi sepse Bashkia e Tiranës nuk trajton objekte që janë pa leje ndërtimi pasi këto janë objekt i ALUIZNIT.
Opozita vendosi të votonte kundër duke e cilësuar si një ligj që votohet për interesa personale.
Me këto pretendime problemi i qytetarëve mbeti pa zgjidhje gjithë këto vjet.
Ndërsa ndryshimet e reja në ligj pushteti lokal merr përsipër një faturë financiare në të mirë të qytetarëve për të kryer procesin e kolaudimit teknik dhe me pas regjistrimin e banesës në ZRPP.