Kina blen naftë nga Irani

Kina po blen naftë të papërpunuar nga Irani duke përdorur valutën e saj jenin, ka bërë të ditur një diplomat iranian.

Irani po përdor të ardhurat për të blerë mallra dhe shërbime nga Kina, ka konfirmuar ambasadori iranian në Emiratet e Bashkuara Arabe, Mohammed Reza Fayyad.

Kina është blerësi më i madh i naftës së papërpunuar iraniane. SHBA i kanë bërë presion Pekinit që t’i bashkohet bojkotit ndërkombëtar për shkak të programit bërthamor të Teheranit.

Komentet e ambasadorit iranian, të cituara nga agjencia e lajmeve “Reuters”, konfirmuan një raportim të mëparshëm të “Financial Times” se kompania kineze UNIPEC po blinte naftën përmes një njësie valutore tregtare të quajtur Zhuhai Zhenrong.

Ndërkohë, Shtetet e Bashkuara planifikojnë të implementojnë një raund sanksionesh, duke filluar më 28 qershor, kundër bankave me bazë në vendet që nuk ndërpresin importin e naftës nga Irani.