Klinsman: Hofenham me ne në Champions

Trajneri i Bajernit, Jurgen Klinsman, beson se kampioni i dimrit Hofenhajm mund të marrë pjesë në kupat e Evropës, por i duhet të punojë shumë me formën fizike për të përballuar kompeticione të tilla. "Hofenhajmi ka mundësi të na shoqërojë në Champions. Skuadra e ka tashmë formatin ndërkombëtar", shprehet Klinsman, kur flet rreth klubit të sapo ngjiturit në Bundesligë. Klinsman shpjegon më tej se ndihet i trishtuar që Anglia e Spanja kanë katër klube, Italia tre në çerekfinalen e Champions, "dhe ne kemi vetëm një". Ky është një bilanc jo i mirë për Klinsmanin. "Vilarreal apo Panathinajkos nuk kanë asnjë yll. Kjo na imponon të punojmë më shumë, për të qenë më shumë konkurrues në Evropë", thotë ai.