Klopp vazhdon në Dortmund
Borussia Dortmund ka njoftuar se trajneri Jurgen Klopp dhe drejtori sportiv Michael Zorc kanë vazhduar kontratat e tyre me klubin.
Klopp erdhi në Westfalenstadion nga Mainz më 2008 dhe sezonin e kaluar udhëhoqi skuadrën drejt titullit të kampionit në Bundesligë. Ai ka vazhduar qëndrimin e tij në Dortmund deri më 2016.
Kurse, Zorc ka përfaqësuar Dortmundin për gjithë 17 vitet e karrierës së tij si futbollist para angazhimit të tij në rolin e drejtorit sportiv më 2005. Edhe ai tani ka marrëveshje me Dortmundin deri më 2016.