Koçi mbledh KPD-në, koalicion zgjedhor me LSI-në e Metës

Kreu i Partisë Socialiste të Vërtetë 91, Petro Koçi, zhvilloi dje mbledhjen e parë të Komitetit të Përgjithshëm Drejtues. Sipas tij, kjo parti ndryshon në thelb nga shumica e forcave kryesore në vend, sepse programi dhe statuti i saj janë për republikë parlamentare e jo për republikë kryeministrore. "Përveç socialistëve të LSI-së, bashkëpunimi ynë do u drejtohet edhe partive të tjera me përvojë të përbashkët demokratike, si Uniteti Kombëtar etj.", theksoi Koçi. Ai këmbënguli se më 28 qershor shqiptarët do zgjedhin pushtetin që meritojnë.