Kodi i ri i etikes mjekesore

Pacientët duhet të trajtohen me kujdes nga mjekët, ti krijohen kushtet që të ndjehet i lirë dhe i qetë, të mbahen të informuar për patologjinë e tyre dhe mbi ta të mos bien më gabimet njerëzore të kryera nga mjekët.

Pikërisht për të ndërtuar këtë urë lidhëse mjek pacient, Urdhri i Mjekut ka promovuar  Kodin e ri të Etikës mjekësore, i cili është përshtatur me kodet e vendeve më të zhvilluara.

Sipas ministrit të shëndetësisë Petrit Vasili, sistemi shëndetësor nuk mund të funksonojë nëse mungon themeli i etikës.

"Ky është një kod që ezauron elementët kyç të raportit mjek-pacient ndaj është e domosdoshme të promovohetm sa më gjerësisht. Sugjeroj urdhrave dhe shoqatave të profesionistëve që ta shihni si element themelor të sistemit. Sistemit mund t’i mungojë një pajise apo bar i caktuar, po nëse i mungon themeli i etikës, ky sistem nuk mund të funksionojë", tha ministri Vasili. 

Kodi i ri i etikës parashikon penalitete të tilla që të çojnë në heqje të licensës së mjekut nëse bluzat e bardha bëjnë gabime profesionale apo japin përgjigje jo etike.