Kolaudimi, më 18 dhjetor zhvillohet tenderi

 

Më 18 dhjetor është parashikuar që të zhvillohet tenderi ndërkombëtar për dhënien me koncension të Drejtorisë së Kontrollit Teknik të automjeteve apo siç njihet ndryshe, kolaudimi i makinave. Tre kompani të huaja janë parakualifikuar për fazën e dytë të koncesionit për shërbimin e kontrollit të detyrueshëm teknik të automjeteve. Sipas Ministrisë së Punëve Publike të Transporteve dhe Telekomunikacioneve, në fazën e parë atë të parakualifikimit të ofertave, janë përzgjedhur tre kompani të huaja, kompania franceze "SAS Sakar", ajo gjermane "TUV Sud", si dhe kompania zvicerane "SGS". Kontrata e koncesionit do të bëhet deri në 20 vjet, ndërsa financimi i shërbimit do të bëhet nga tarifat për shërbimin e kontrollit të detyrueshëm të mjeteve rrugore dhe rimorkiove.