Kolegji rrëzon PD-në për Komunën Shalë

Nga ky vendim, fitues shpallet kandidati i koalicionit opozitar “Aleanca për të Ardhmen”, Balë Vuksani, i cili mori dy votë më shumë se kandidati i “Aleancës për Qytetarin”, Dedë Tonaj.

Demokratët e ankimuan rezultatin në Kolegjin zgjedhor me pretendimin se shumë shtetas në këtë komunë janë penguar të votojnë.

Zgjedhjet në komunën Shalë u zhvilluan më 21 gusht pas dështimit të dy proceseve zgjedhore në këtë komunë të rrethit të Shkodrës. Me përmbylljen e ankesave për këtë njësi vendore, KQZ-ja pritet të shpallë rezultatin përfundimtar të zgjedhjeve lokale të 8 majit, e për pasojë të mbyllet plotësisht ky proces zgjedhor. /S.Ll/Start/

                                                                                             2011-09-09 12:01