Komisariatet e paraburgime me kushte skandaloze

Kushtet e paraburgimeve te vendit tone jane problem shqetesues. Drejtoresha e Komitetit Shqiptar te Helsinkit, Vasilika Hysi ka vene ne dukje disa nga problemet e hasura gjate inspektimeve te bera ne keto institucione. Sipas saj, grate flene dy ne nje krevat, ndersa ka raste, qe kjo gje behet edhe me turne. Shume nga te paraburgosurit mund te jene te dhunuar por keta te fundit nuk pranojne qe te deklaroje dhunen e ushtruar, pasi kane frike se sapo juristet e Komitetit Shqiptar te Helsinkit te largohen, ata serish do te dhunohen dhe nuk do te perfitojne as nga lejet per fundvitin etj. Nuk mbeten jashte problemeve as rastet kur ne shume paraburgime, gjenden persona te semure mendore te cilet duhet te trajtohen ne Spitalin e burgut, e nje pjese e te denuarve apo paraburgosurve qe ndodhen ne kete spital, duhet t’u shikohen kushtet dhe kriteret e mases se sigurise. Problem shqetesues sipas Hysit mbeten komisariatet. Nje pjese e tyre sipas Hysit nuk kane as krevate, por as kushte ne te cilat duhet te mbahet i ndaluari. Po ashtu ne komisariate do te gjesh te mitur por edhe te rritur ne te njejtin vend, ku ne te kane ndodhur edhe abuzime seksuale, raste te cilat nuk jane denoncuar. Madje nje pjese e te ndaluarve nuk iu lejohet qe te takojne avokatet e tyre mbrojtes, duke iu dhene mundesine vetem gjate daljes se tyre ne mase sigurie. Skandali thellohet edhe me tej, kur nje avokate eshte thirrur 82 here ne nje komisariat per te mbrojtur te drejtat e te ndaluarve. Problemet rriten edhe me tej kur prokuroria dhe gjykata lene ne burg te moshuar. Hysi ka permendur rastin e ciftit te Vlores, 84 vjecarit dhe 72 vjecares te cilet nuk ishin ne gjendje per te qendruar ne kembe, por keta te fundit, jane cilesuar si persona me rrezikshmeri shoqerore.