Drejtuesit e burgut takim me te denuarit, premtohet vizita nga ministri Alibeaj

Zyrtare te burgut te Shenkollit, nuk kane pohuar zhvillimin e nje greve ne ambientet e brendshme nga 360 te denuar prej drejtesise per krime te ndryshme. Ata kane hedhur poshte kete lajm, duke thene se situata eshte e qete dhe te burgosurit nuk refuzojne ushqimin. Por vete te izoluarit ne bisedat telefonike me mediat dhe mbeshtetur ne peticion, njoftojne nisjen prej tre ditesh te greves se urise pa afat, deri ne zgjidhjen e disa kerkesave, ku kryesorja mbetet “liria me kusht” edhe kundrejt nje pagese. Mesohet se nje takim eshte zhvilluar mes drejtuesve te burgut dhe perfaqesise se greves, por pa sukses. Rreth ores 15:10 te dites se djeshme eshte tentuar qe te kontaktohet me drejtuesit e burgut te Shenkollit, ne numrin e telefonit 021522099. Ne anen tjeter polici i salles operative nuk ka pranuar qe te siguroje komunikimin me drejtuesin e ketij burgu, Vladimir Miri, i sapoemeruar ne kete detyre. Madje polici i salles operative, duke dhene identitet te rreme, (Petrit Lleshi nga Puka), ka mohuar qe ne burg te kete greve urie. Por menjehere pas kesaj telefonate, kane mberritur me urgjence tek te burgosurit, drejtori Vladimir Miri i shoqeruar nga nendrejtori i ketij burgu, Kastriot Piroli. Dy drejtuesit kane qendruar me te burgosurit deri ne oren 16:40. Ata kane kerkuar qe te burgosurit te nderpresin greven e urise, duke i njoftuar se te nesermen (sot), ne burg do te mberrinte vete ministri i Drejtesise, Enkelejd Alibeaj. Por edhe pas ketyre bisedimeve, situata nuk ka ndryshuar. Te burgosurit kane vijuar greven e urise, duke siguruar qe diten e sotme ajo do te pershkallezohet, pas ketij numri qe tashme eshte 360 veta, do t’i bashkohet edhe pjesa tjeter e te burgosurve.

Aleksander Ndoja