Komisioneri Zhak Barrot konfirmon se heqja e vizave për shqiptarët do të ndodhë gjatë 2010-s

Ministri i Brendshëm, Lulëzim Basha mori pjesë në forumin ministror mes Bashkimit Evropian dhe Ballkanit Perëndimor të ministrave të brendshëm. Presidenti i Komisionit Evropian dhe Komisioneri për Çështjet e Drejtësisë dhe Sigurisë, Jacques Barrot vlerësoi se Shqipëria ka përmbushur kriteret më të rëndësishme për heqjen e vizave dhe ky proces do të finalizohet në vitin 2010. “Dialogu vazhdon dhe unë shpresoj që vitin e ardhshëm ne do të shkojmë drejt heqjes së vizave për shqiptarët. Unë isha në Shqipëri kur dhashë pasaportën e parë biometrike dhe tani shoh që Shqipëria ka bërë përpjekje të mëdha për heqjen e vizave. Rruga që është bërë tregon se heqja e vizave do të arrihet në vitin 2010” u shpreh Barrot. “Basha informoi se Shqipëria po kryen me ritmin më të shpejtë në rajon pajisjen e qytetarëve me pasaporta biometrike. Këtë e dëshmon fakti se brenda një kohe të shkurtër mbi 250 mijë qytetarë shqiptarë janë pajisur me pasaporta biometrike. Ai deklaroi se edhe për progresin e arritur në fushën e menaxhimit të integruar të kufirit nëpërmjet instalimit të sistemeve analoge me vendet Schengen në pikat e kalimit kufitar për menaxhimin total të informacionit dhe për analizën e informacionit kriminal’ thuhej në deklaratën për shtyp lëshuar sot nga ministria e Brendshme.