Komisioni për Veprimtaritë Prodhuese, Tregtinë dhe Mjedisin, shqyrtoi projektligjit: Për planifikimin e territorit".
Komisioni për Veprimtaritë Prodhuese, Tregtinë dhe Mjedisin, në mbledhjen e datës 3.3.2009, në orën 10 00, filloi shqyrtimin e projektligjit: Për planifikimin e territorit".
Ishin të pranishëm në mbledhje: specialistët Ministrisë së Punëve Publike, Transporteve dhe Telekomunikacioneve Marin Biçoku dhe anëtari i grupit të punës për hartimin e projektligjit, Artan Hoxha, përfaqësuesit e OSBE-së Ermira Deçka dhe Julian Hodaj, përfaqësuesja e Bashkisë së Tiranës, Rezarta Ismailaja, si dhe përfaqësuesit e Shoqatës së Ndërtuesve: Maksim Muçi dhe Arben Dervishaj.
Fillimisht, u dëgjua mendimi i një nga relatorëve të komisionit për këtë projektligj, deputetit Ardian Kollozi. Ai e vlerësoi projektin e paraqitur si një garanci për planifikimin transparent të territorit, të harmonizuar me pjesëmarrjen e gjerë të qytetarëve dhe procedura administrative të thjeshta, transparente e bashkëkohore për lejet e zhvillimit dhe ato të ndërtimit.Ai e ftoi komisionin ta votojë projektligjin.
Deputeti Nikollaq Neranxi u shpreh kundër në parim me këtë projektligj , pasi sipas tij duhej përfunduar procesi i kthimit dhe kompensimit të pronës për pronarët dhe më pas miratohej ky ligj.
Përfaqësuesi i Shoqatës së Ndërtuesve Arben Dervishaj, bëri disa vërejtje dhe propozime për:
- shkurtimin e procedurës administrative në 10 ditë;
- për kufizimin e kompetencave të agjencisë;
- për mos penalizimin e subjekteve që nuk janë rregjistruar jo për faj të tyre.
- lajmërimet të mos bëhen nga subjekti, por të interesuarit të kontrollojnë në rregjistrin e Bashkisë.
- Të ngushtohet diapazoni i madh i sanksioneve, sepse kjo lë shkas për subjektivizma dhe abuzime.
Më pas, u dëgjuan shpjegimet e përfaqësuesit të Ministrisë së Punëve Publike, Transporteve dhe Telekomunikacioneve Marin Biçoku për vërejtjet e paraqitura.
Kryetari i komisionit e vlerësoi projektin dhe i ftoi deputetët ta votonin në parim projektligjin. Gjatë shqyrtimit nen për nen mund të pasqyroheshin verejtjet dhe propozimet e bëra, me qëllim përmirësimin e projektligjit.
Në përfundim komisioni e miratoi në parim projektligjin me shumicën e votave pro.
Shqyrtimi i projektligjit do të vazhdojë në mbledhjen e ditës së hënë, më datë16.3.2008, në orën 10 00 .
(Për më shumë informacion kontaktoni me zyrën e komisionit në numrin: + 355 4 22 78 293)