Komisioni për Veprimtaritë Prodhuese, Tregtinë dhe Mjedisin shqyrton projektligjin :Për planifikimin e territorit".

Komisioni për Veprimtaritë Prodhuese, Tregtinë dhe Mjedisin,në mbledhjen e dt 11.3.2009,  filloi shqyrtimin e   projektligjit: Për planifikimin e territorit".
 
Ishin  të pranishëm në mbledhje: specialisti i  Ministrisë së  Punëve Publike, Transporteve dhe Telekomunikacioneve Marin Biçoku, përfaqësuesit e OSBE-së Ermira Deçka dhe  Julian Hodaj, përfaqësuesja  e  Bashkisë së Tiranës, Rezarta Ismailaja, perfaqësuesit e programit të Sfidës së Mijëvjeçarit, Fadil Boriçi e Zherome Anderson,
si dhe  përfaqësuesi i Shoqatës së Ndërtuesve,  Arben Dervishaj.

 Fillimisht,  u dëgjua mendimi i një nga  relatorëve të  komisionit për këtë projektligj, deputetit Pilo Keri. Ai theksoi domosdoshmërinë e   projektligjit  por kishte pyetje dhe vërejtje,   të cilat  do t`i paraqiste  gjatë shqyrtimit nen për nen,  me qëllim përmirësimin e projektligjit. 

Më pas, u dëgjuan shpjegimet e  përfaqësuesit të Ministrisë së  Punëve Publike, Transporteve dhe Telekomunikacioneve Marin Biçoku për vërejtjet e paraqitura.

Pas diskutimeve,  u kalua ne shqyrtimin nen për nen të projektligjit.

Gjatë shqyrtimit nen për nen   u kaluan 12 nenet e para të projektligjit.  U bënë vërejtje dhe redaktime për nenet:  1, 2, 5, 6 dhe 11.

Komisioni  do ta  vazhdojë shqyrtimin e projektligjit  në mbledhjen e dt.11.3.2009,ora 10.00                   

     
(Për më shumë informacion kontaktoni me zyrën e komisionit në numrin: + 355 4 22 78 293).