Komisioni për Veprimtaritë Prodhuese, Tregtinë dhe Mjedisin zhvillon mbledhjen e radhës.

Komisioni për Veprimtaritë Prodhuese, Tregtinë dhe Mjedisin, në mbledhjen e datës 18 nëntor 2008, vazhdoi shqyrtimin e  projektligjit   Për buxhetin e shtetit, të vitit 2009.
Në orën 10 00 u dëgjua  informacioni i Ministrisë së Mjedisit, Pyjeve dhe Administrimit të Ujërave.
Ishin  të pranishëm në mbledhje Zëvendësministri i  Mjedisit, Pyjeve dhe Administrimit të Ujërave, Aleksandër Garuli dhe përfaqësuesit e kësaj Ministrie, Pëllumb Abezhi, Trajan Vasili  dhe Flora Llukamani.
Në pjesën e parë të mbledhjes,  përfaqësuesit e Ministrisë së Mjedisit, Pyjeve dhe Administrimit të Ujërave sqaruan deputetët për pyetjet e bëra mbi  kriteret e shpërndarjes së investimeve, si dhe strukturën e investimeve të paraqitura  në projektbuxhetin e vitit 2009.
Në përfundim, Zëvendësministri  i Ministrisë së Mjedisit, Pyjeve dhe Administrimit të Ujërave Aleksandër Garuli paraqiti një propozim  për një shtesë në buxhetin e  Ministrisë për vitin 2009: të shikohet mundësia e një shtese fondi prej 41 milionë lekësh për ndërmarrjet pyjore,  të ndara në: 5 milionë lekë për mjete komunikimi   dhe 36 milionë  lekë për pagat e  vrojtuesve të zjarreve.
Në përfundim,  Komisioni vendosi ta  mbështesë këtë  propozim në seancë plenare.

(Për më shumë informacion kontaktoni me zyrën e komisionit në numrin: + 355 4 22 78 293).

(Për më shumë informacion kontaktoni me zyrën e komisionit në numrin: + 355 4 22 78 293).