Komisioni për Veprimtaritë Prodhuese, Tregtinë dhe Mjedisin shqyrton projektligjin mbi kodin ajror në RSH.

Komisioni për Veprimtaritë Prodhuese, Tregtinë dhe Mjedisin, në mbledhjen e datës 24 nëntor 2008, vazhdoi shqyrtimin e  projektligjit      Kodi ajror i Republikës së Shqipërisë.
Në orën 11 30, Komisioni takoi  përfaqësuesen e projektit Urat e Ballkanit,  e cila paraqiti  qëllimin dhe pjesëmarrësit në këtë projekt rajonal. Ishte e pranishme në mbledhje koordinatorja kombëtare e  projektit, Eneida Mara.
Për çështjen e parë të rendit të ditës, ishin të pranishëm përfaqësuesit e Ministrisë së  Punëve Publike, Transporteve dhe Telekomunikacioneve,  Ervin Mazniku, Lilika Radovicka dhe Edlira Liçi.
Në këtë mbledhje,   u vijua me  shqyrtimin e neneve 13 153 të Kodit.
Gjatë  shqyrtimit, u  bë një ballafaqim i qendrimit të përfaqësuesve të Ministrisë  për vërejtjet e paraqitura nga  grupet e interesit dhe deputetët,  për nene të veçanta.
Në përfundim,  Komisioni e votoi në tërësi projektligjin me vërejtjet e miratuara në Komision dhe u shpreh dakord për kalimin e tij për shqyrtim në seancë plenare.Vërejtjet do të  paraqiten në raportin e Komisionit për në seancë plenare.

(Për më shumë informacion kontaktoni me zyrën e komisionit në numrin: + 355 4 22 78 293).