Komiteti ndërministror i Emergjencave Civile, organizim masiv në dobi të banorëve në nevojë

Komiteti Ndërministror i Emergjencës Civile vazhdon të organizojë veprimet dhe të ndërmarrë masat e nevojshme drejtpërdrejt nga terreni në të gjithë zonat, fshatrat e prekura nga përmbytja në qarkun e Shkodrës.Në mbledhjen e paradites së djeshme nën drejtimin e ministrit të Brendshëm Lulzim Basha, Komiteti Ndërministror i Emergjencës Civile, analizoi veprimtarinë gjatë 24 orëve të fundit së strukturave të ushtrisë, policisë dhe të institucioneve të tjera.Pasi u analizua situata konkrete u ngarkuan me detyrat përkatëse strukturat e policisë, ushtrisë dhe të gjithë strukturat e tjera të angazhuara në kuadër të emergjencës civile:Nga DBUMK në bashkëpunim me strukturat e ushtrisë mbi bazën e planifikimit të përgatitur nga drejtoria e Bujqësisë të organizohen operacionet për furnizimin me bazë ushqimore për gjënë e gjallë në komunat Dajç, Ana  Malit, Velipoje.Nga strukturat e Drejtorisë së Policisë së Qarkut Shkodër të mbështetura nga strukturat mbështetëse të Ministrisë së Brendshme të organizohen operacionet për ruajtjen dhe sigurimin e argjinaturave, akseve të rrugëve, urave si dhe të bashkëpunojnë me strukturat e tjera të ushtrisë për shpërndarjen e ndihmave ushqimore dhe evakuimin e komunitetit nga zonat e përmbytura .Nga strukturat e Forcave të Armatosura të vazhdojnë operacionet e dërgimit të ndihmave ushqimore të ardhura nga Rezervat e Shtetit për komunitetin dhe të bazës ushqimore për gjënë e gjallë për në komunat Dajç, Velipojë, Guri i Zi, bashkia Shkodër (lagjet Livadhe, Bahçallëk, Ajasem). U ngarkuan me detyrë strukturat e Forcave të Armatosura për të përcaktuar pikat e kontaktit me strukturat e huaja të ardhura nga Maqedonia, Sllovenia, Greqia, Italia, për të hartuar planin e bashkëpunimit dhe të operacioneve më qellim futjen në veprim të tyre në ndihme të komunitetit për në zonat e përmbytura dhe qendrat e akomodimit të tyre.U ngarkua me detyrë Drejtoria e Rezervave të Shtetit për hartimin dhe planifikimin e kërkesës së ndihmave për t’i pasur në gjendje pranë depove të Gjadrit për llogari të njësive vendore.Për sa i takon ndihmës nga vendet e tjera, Ministria e Brendshme informoi se kanë mbërritur nga Italia në Shqipëri dhe 2 helikopterë ZCH 47 me kapacitet transporti 37 trupa, si dhe mjete të ndryshme si autobote, pompa, varka, tenda, gjeneratorë, ushqime, medikamente dhe veshje, të cilat janë nisur drejt zonave problematike....