Kompania Belleair prezanton 3 Airbus A320

Kompania e fluturimeve Belleair prezantoi mbreme ne Tirane, futjen ne linje te 3 avioneve Airbus A320 si dhe 1 avion ATR 72-500 i sapodale nga fabrika. Ne ceremonine e promovimit ishin te pranishem kryeministri Sali Berisha, ministri i Ekonomise Dritan Prifti, i Transporteve, Sokol Olldashi, drejtues te medieve te ndryshme, si dhe drejtues te kompanise Belleair. Perfaqesuesit e drejtimit te kompanise vune ne dukje faktin se Belleair u krijua ne qershor te vitit 2005 dhe e filloi aktivitetin e tij me 1 mars 2006, fillimisht me nje avion tip MD82 duke fluturuar ne 7 destinacione ne drejtim te Italise. Kurse theksuan se ne me pak se 4 vjet, Belleair eshte bere tashme nje faktor i rendesishem ne zhvillimin e Aviacionit Civil Shqiptar, duke permiresuar ndjeshem fluturimet e tij nepermjet Tiranes dhe Prishtines me Evropen, ne baze te nje strategjie "Low Cost". Aktualisht Belleair fluturon ne 24 destinacione te ndryshme. Kjo kompani realizon me shume se 43 per qind te levizjes se pasagjereve nga dhe per ne aeroportin e Tiranes. Mendohet qe deri ne fund te vitit Belleair te transportoje rreth 630 mije pasagjere. Per te gjitha keto arritje e per te tjera akoma, Belleair ka folur sonte, perballe personaliteteve te shumta te fushes se aviacionit nga Europa dhe bota.

"Duke pasur gjithnje si detyre te tij paresore, sherbimin dhe kujdesin e plote ndaj klienteve te tij, me futjen ne linje te ketyre avioneve, Belleair do t'u krijoje me shume komfort pasagjereve duke mbajtur nje standard te larte, gje te cilen, ai do ta coje akoma me perpara, me projektet e tij ne te ardhmen", - premtuan drejtuesit e kompanise ne pritjen-kokteil ne "Sheraton Tirana".