“Kompas", rikthehet per gjykim vetem ceshtja e Arjan Selimit dhe Xhemalit
Tirane- Gjykata e Larte ka rikthyer edhe nje here nga e para per rigjykim, ceshtjen e dy prej te pandehurve te dosjes "Kompas", ndersa ka lene ne fuqi vendimin per anetaret e tjere. Arjan Selimi dhe Arjan Xhemali, te njohur si drejtuesit e kesaj organizate, sipas vendimit te Kolegjit Penal duhet te rigjykohen ne Gjykaten e Shkalles se Pare per Krime te Renda, nga nje tjeter trup gjykues. Gjykata ka gjetur shkelje procedurale gjate gjykimit te tyre ne dy shkallet e gjyqesorit. Armando Andoni i njohur si Arjan Selimi dhe Arjan Xhemali, u denuan me nga 16 vjet burg secili nga Gjykata e Shkalles se Pare dhe Apelit per Krime te Renda, nen akuzen e "organizimit, drejtimit dhe financimit te trafikut te narkotikeve". Nderkohe qe per te pandehurit e tjere, gjykata ka lene ne fuqi vendimin e dhene nga Gjykata e Apelit per Krime te Renda. Keshtu sipas vendimit, i pandehuri Kujtim Popoci, i cilesuar si anetar aktiv i rrjetit te trafikut, do te vuaje 15 vjet burg. I pandehuri tjeter, Petraq Avrami u denua me 10 vjet heqje lirie, per akuzen e "prodhimit dhe shitjes se narkotikeve ne bashkepunim", Fatmir Kuci u denua me 6 vjet e gjashte muaj burg, Blenard Fejzullai, me 6 vjet heqje lirie, babai i tij Muhameti, me 5 vjet e gjashte muaj. Ndersa Dritan Kuci u shpall i pafajshem. Te pandehurit akuzoheshin per vepren penale te "trafikut te lendeve narkotike".
R.C