Kompensimi, 211 përfituesit nga fondi 10 milionë euro
Agjencia e Kthimit dhe Kompensimit të Pronave shpall emrat e 211 subjekteve që do të shpronësohen nga fondi 10 milionë euro, i akorduar nga qeveria për kompensimin fizik. Nga përfundimi i vlerësimit të 521 kërkesave të subjekteve, do të përfitojnë vetëm 211 prej tyre. Ditën e mërkurë, më 18 nëntor, të gjithë fituesit e këtij fondi do të paraqiten në Agjencinë e Kthimit dhe Kompensimit të Pronave për të depozituar numrin e llogarisë në të cilin AKKP do të bëjë kalimin e shumave respektive.
Drejtori i AKKP-së, Elvis Çefa, tregon arsyet pse janë skualifikuar subjektet që kanë aplikuar me vendime të ish-komisionerëve që datojnë përpara 1 tetorit 1996. "Janë skualifikuar personat që kanë përfituar kthim prone me vendimin për të cilin kanë aplikuar apo me vendime të tjera. Ose kanë përfituar ata vetë, apo një pjesë e trashëgimtarëve të tyre, tokë nga ligji 7501", tha Çefa. Sipas tij, arsye të tjera që kanë çuar drejt skualifikimit janë pasaktësitë thelbësore hartografike në vendimet e tyre, çka e ka vënë AKKP në pamundësi ligjore të trajtimit pozitivisht të aplikimit të tyre. "Janë skualifikuar edhe ata që kanë pasur mungesa të dokumentacionit ligjor shoqërues të aplikimit, shtoi ai.
Drejtori i AKKP-së, Elvis Çefa, tregon arsyet pse janë skualifikuar subjektet që kanë aplikuar me vendime të ish-komisionerëve që datojnë përpara 1 tetorit 1996. "Janë skualifikuar personat që kanë përfituar kthim prone me vendimin për të cilin kanë aplikuar apo me vendime të tjera. Ose kanë përfituar ata vetë, apo një pjesë e trashëgimtarëve të tyre, tokë nga ligji 7501", tha Çefa. Sipas tij, arsye të tjera që kanë çuar drejt skualifikimit janë pasaktësitë thelbësore hartografike në vendimet e tyre, çka e ka vënë AKKP në pamundësi ligjore të trajtimit pozitivisht të aplikimit të tyre. "Janë skualifikuar edhe ata që kanë pasur mungesa të dokumentacionit ligjor shoqërues të aplikimit, shtoi ai.