Konfliktet e pronësisë pengojnë shpronësimet
Prej tre vjetësh, Bashkia e Fierit ka lënë pa shpronësuar shumë banorë të qytetit, të cilëve u ka prekur pronat me investimet që ka kryer. Bëhet fjalë për 172 familje që janë cenuar në pronat e tyre nga rrugët, bulevardet dhe lulishtet që bashkia ka rikonstruktuar gjatë pesë viteve të fundit. Në Departamentin Juridik të Bashkisë pranojnë vonesën e shpronësimeve, ndërkohë që deklarojnë se konfliktet e pronësisë janë problemi kryesor në vonesën e shpronësimeve. Ndërsa banorët e pa dëmshpërblyer kërcënojnë se do të arrijnë të cenojnë investimet e bashkisë nëse vonohen më tepër shpronësimet, shefi i Departamentit Juridik, Luan Çala, shprehet se mungesa e dokumentacionit nga ana e të prekurve prej objekteve të ndërtuara nga bashkia, ka penguar më shumë procesin e shumëpërfolur të shpronësimeve.
Familjet që pretendojnë kompensim kanë organizuar në disa raste protesta para bashkisë, por as këto veprime nuk kanë dhënë shumë shpresa. Një pjesë e tyre pranon se kanë mangësi në dokumentacion, por thonë se në praktikat e mëparshme të ndërtimit të objekteve publike, familjet e dëmtuara janë shpronësuar edhe pse dokumentacioni ka pasur probleme. Kjo për vetë faktin se projektet e bashkisë parashikojnë që në fillim sasinë e pronave të prekura dhe fondin e nevojshëm për kompensim.
"Na janë marrë oborre shtëpie, sipërfaqe tokash, deri dhe ballkone shtëpie, me qëllim që bashkia të mund të ndërtonte dhe të realizonte investimet e saj. Në planet fillestare të objekteve publike të rikonstruktuara nga bashkia përfshihet cenimi i pronave tona, edhe pse dokumentacioni ynë ka munguar, por edhe pas disa vitesh përfundim investimi, ne sërish nuk i kemi marrë lekët", ka thënë një prej të pashpronësuarve.
"Në bazë të dosjeve të shqyrtuara për dëmshpërblim kemi shpronësuar rreth dhjetë pronarë, ka edhe shumë të tjerë që duan. Konfliktet e pronësisë që ata kanë nuk i lejojnë që të plotësojnë dosjet që ne kërkojmë", tha Çala.
Çala shpjegon se për një pronë të cenuar nga investimet e bashkisë ka pasur edhe tre pronarë që duan dëmshpërblim.
Familjet që pretendojnë kompensim kanë organizuar në disa raste protesta para bashkisë, por as këto veprime nuk kanë dhënë shumë shpresa. Një pjesë e tyre pranon se kanë mangësi në dokumentacion, por thonë se në praktikat e mëparshme të ndërtimit të objekteve publike, familjet e dëmtuara janë shpronësuar edhe pse dokumentacioni ka pasur probleme. Kjo për vetë faktin se projektet e bashkisë parashikojnë që në fillim sasinë e pronave të prekura dhe fondin e nevojshëm për kompensim.
"Na janë marrë oborre shtëpie, sipërfaqe tokash, deri dhe ballkone shtëpie, me qëllim që bashkia të mund të ndërtonte dhe të realizonte investimet e saj. Në planet fillestare të objekteve publike të rikonstruktuara nga bashkia përfshihet cenimi i pronave tona, edhe pse dokumentacioni ynë ka munguar, por edhe pas disa vitesh përfundim investimi, ne sërish nuk i kemi marrë lekët", ka thënë një prej të pashpronësuarve.
"Në bazë të dosjeve të shqyrtuara për dëmshpërblim kemi shpronësuar rreth dhjetë pronarë, ka edhe shumë të tjerë që duan. Konfliktet e pronësisë që ata kanë nuk i lejojnë që të plotësojnë dosjet që ne kërkojmë", tha Çala.
Çala shpjegon se për një pronë të cenuar nga investimet e bashkisë ka pasur edhe tre pronarë që duan dëmshpërblim.