Konfliktet me pronat, familja Hoxhaj kërkon mbrojtje
16/02/2009 Kryefamiljari: Na kanë kërcënuar për tokën në Llogara
TIRANË - Konfliktet e pronësisë janë një prej arsyeve kryesore të hasmërive dhe hakmarrjeve në vendin tonë. Pas kthimit të pronës me ligj në vitin 1991, problemet u bënë më të mprehta. Rastet që mbërrijnë në gjykatë për mbrojtje të posaçme dhe zgjidhje të situatës janë të shumta. Një rast i tillë është ai i familjes Hoxhaj nga Dukati i Vlorës. Posedimi i një sipërfaqe të madhe toke në fshatin Dukat të Vlorës, është bërë mollë sherri mes familjes Hoxhaj dhe disa bashkëfshatarëve. Pikërisht për këtë qëllim kjo familje i është drejtuar për mbrojtje të veçantë gjykatës dhe policisë duke qenë se ndihet e kërcënuar. Prej vitesh problemi ka mbetur i pazgjidhur. Familja në kërkim të pronës dhe e ndodhur mes kërcënimit vendos të largohet nga Vlora në vitin 2003, por pa hequr dorë nga e drejta e pronës. Por edhe pse janë përqendruar në Tiranë ata përsëri kanë ndjerë peshën e kërcënimeve nëpërmjet telefonit. Në vitin 2004 pësojnë një aksident ku makina e tyre merr flakë në të dalë të Tiranës. Arritën t’i drejtohen policisë dhe gjykatës vetëm kur kërcënimin e panë në sy. Kështu ata e ndjen të nevojshme të qëndrojnë në heshtje për disa kohë dhe t’ia lënë në dorë policisë për të hetuar. Kryefamiljari F. Hoxhaj tregon historinë e familjes së tij, e cila ka ndodhur në ambientet e gjykatës. Hoxhaj thotë se toka e tij është zaptuar nga bashkëfshatarët në fshatin Dukat. “Familja ime posedon një sipërfaqe prej 90 mijë metra katror, e cila është në një pozicion mjaft të mirë turistik, dhe mund të japë të ardhura në të ardhmen. Toka që ka vënë në hasmëri familjen është 3 kilometra larg bregdetit, buzë rrugës nacionale duke shkuar në Llogara. Në anën tjetër të rrugës nacionale gjendet fshati Orikum. Sipërfaqja e tokës shtrihet në kodër dhe është një pikë strategjike, pasi po aq sa është një klimë malore, po aq është dhe afër bregdetit jonian”, tregon ai.
TIRANË - Konfliktet e pronësisë janë një prej arsyeve kryesore të hasmërive dhe hakmarrjeve në vendin tonë. Pas kthimit të pronës me ligj në vitin 1991, problemet u bënë më të mprehta. Rastet që mbërrijnë në gjykatë për mbrojtje të posaçme dhe zgjidhje të situatës janë të shumta. Një rast i tillë është ai i familjes Hoxhaj nga Dukati i Vlorës. Posedimi i një sipërfaqe të madhe toke në fshatin Dukat të Vlorës, është bërë mollë sherri mes familjes Hoxhaj dhe disa bashkëfshatarëve. Pikërisht për këtë qëllim kjo familje i është drejtuar për mbrojtje të veçantë gjykatës dhe policisë duke qenë se ndihet e kërcënuar. Prej vitesh problemi ka mbetur i pazgjidhur. Familja në kërkim të pronës dhe e ndodhur mes kërcënimit vendos të largohet nga Vlora në vitin 2003, por pa hequr dorë nga e drejta e pronës. Por edhe pse janë përqendruar në Tiranë ata përsëri kanë ndjerë peshën e kërcënimeve nëpërmjet telefonit. Në vitin 2004 pësojnë një aksident ku makina e tyre merr flakë në të dalë të Tiranës. Arritën t’i drejtohen policisë dhe gjykatës vetëm kur kërcënimin e panë në sy. Kështu ata e ndjen të nevojshme të qëndrojnë në heshtje për disa kohë dhe t’ia lënë në dorë policisë për të hetuar. Kryefamiljari F. Hoxhaj tregon historinë e familjes së tij, e cila ka ndodhur në ambientet e gjykatës. Hoxhaj thotë se toka e tij është zaptuar nga bashkëfshatarët në fshatin Dukat. “Familja ime posedon një sipërfaqe prej 90 mijë metra katror, e cila është në një pozicion mjaft të mirë turistik, dhe mund të japë të ardhura në të ardhmen. Toka që ka vënë në hasmëri familjen është 3 kilometra larg bregdetit, buzë rrugës nacionale duke shkuar në Llogara. Në anën tjetër të rrugës nacionale gjendet fshati Orikum. Sipërfaqja e tokës shtrihet në kodër dhe është një pikë strategjike, pasi po aq sa është një klimë malore, po aq është dhe afër bregdetit jonian”, tregon ai.