Konflikti nisi qe me mbikalimin e Zogut te Zi

Konfliktet mes bashkise se Tiranes dhe qeverise kane nisur qe me rastin e mbikalimti te Zogut te Zi. Pas nje periudhe te gjate heshtjeje, sa u perket projekteve te medha, konflikti eshte rindezur me rastin e punimeve te sheshit "Skenderbej". Analogjia eshte bere menjehere sapo kryeministri Sali Berisha dha urdher per asfaltimin e sheshit, per shkak te gjendjes me se te renduar te infrastruktures ne qendren e Tiranes. Drejtoria e rrugeve nisi menjehere matjet, por bashkia e Tiranes e mori ne "dore" situaten, duke nisur punimet per transformimin e sheshit.
Bashkia: E kemi lejen, qeveria stis konflikte
Pershkallezohet konflikti mes qeverise dhe bashkise se Tiranes. Pak dite pasi ky institucion filloi zbatimin e projektit per qendren, Ministria e Mjedisit ka vendosur pezullimin e punimeve, me motivacionin e mungeses se lejes mjedisore. Ndersa kryeinspektori i mjedisit pretendon se nuk figuron asnje leje per kete projekt, krejt te kunderten pohon institucioni i bashkise se Tiranes.
Leja
Sipas zyres se shtypit, "ne arkivin e Ministrise se Mjedisit gjendet shkresa Nr. Prot. 2773, Dt. 20.03.2009". Po sipas burimeve zyrtare te institucionit te bashkise, bashkangjitur shkreses se lartpermendur, eshte relacioni permbledhes i projektit, raporti i VNM-se (Vleresimi i Ndikimit ne Mjedis), dokumentacioni i procesit te konsultimit publik si dhe fatura e pageses se tarifes per lejen mjedisore. Me tej, bashkia ka pretenduar se, pas nje viti nga marrja e lejes, e ka te drejten te veproje me parimin e miratimit te heshtur, nderkohe qe Ministrise se Mjedisit i takon te zbardhe lejen perkatese. "Disponojme edhe miratimin e Institutit te Monumenteve te Kultures per projektin e sheshit "Skenderbej", vijon deklarata e bashkise se Tiranes. Me tej, ajo i ka bere thirrje qeverise per dhenien fund te nje konflikti te stisur, qe ringjall praktiken e denueshme te "Zogut te Zi" ne qender te Tiranes. "Bashkia dhe qeveria duhet te kryejne detyrat e tyre reciproke ne interes te qytetareve", thuhet ne reagimin e ketij institucioni, menjehere pas vendimit te Ministrise se Mjedisit.
Punimet
Punimet nuk jane ndalur edhe pas vendimit ekstrem qe mori Ministria e Mjedisit per sheshin "Skenderbej". Nje gje e tille mesohet te jete bere per shkak se bashkia pretendon se eshte teresisht ne rregull me dokumentacionin e kerkuar, pra me posedimin e lejes mjedisore. Per kete, zyra e shtypit te ketij institucioni ka deklaruar se e ka per detyre te transformoje sheshin "Skenderbej" ne hapesiren me te bukur publike te vendit dhe se po e ben. "Qeveria ka per detyre te shpronesoje sa me shpejt godinen e INSIG-ut, per hapjen e Unazes se Vogel dhe zgjidhjen e problemit te qarkullimit dhe duhet ta beje", jane shprehur dje burimet zyrtare te bashkise. Ata kane perfunduar se "kryeqytetasve e te gjithe shqiptareve, brenda dhe jashte vendit u duhet Sheshi i Shekullit te ri e jo persheshi i ri i politikes se vjeter".