Konflikti për pronën, vritet me armë gjahu 43-vjeçari

Një person është vrarë me armë gjahu në Fier. Ngjarja e rëndë është shënuar mbasditen e sotme në fshatin Gjerbes, ku shtetasi F. Jaupaj, 43 vjeç është qëlluar për vdekje me armë gjahu. Burime nga policia e Mallakstrës bëjnë me dije se shkak i ngjarjes që i ka kushtuar jetën 43 vjecarit ka qenë një konflikt pronësie. Ndërkaq policia ka identifikuar autorin e dyshuar të krimit, shtetasin Xhavit Jaupaj, 31 vjeç, ndërsa po punon për kapjen e tij.