"Konsulli grek te shpallet person "non grata""
Deklaratat e konsullit grek ne Korce, Theodhorus Ikonomus ndaj minoritareve, qe te mos tremben dhe te regjistrohen si greke, shkaktoi jo pak debate dhe diskutime ne Komisionin e Politikes se Jashtme ne Kuvend. Ne nje seance degjimore per thirrjet antishqiptare te konsullit, deputeti demokrat, Gazmend Oketa kerkoi nga ky komision dhe Kuvendi qe te shpalle "non grata" ne vendin tone, konsullin grek. Sipas tij, deklarata te tilla jane teresisht antishqiptare dhe ndaj konsulli te shpallet "non grata". Si perfaqesues i ministrise se jashtme, Sekretari i Pergjithshem ne kete ministri, Gazmend Turidu informoi komisionin mbi reagimin e diplomacise shqiptare. Ai denoi deklaratat e konsullit duke i quajtur te papranueshme, dhe se vijne kunder rrymes se marredhenieve dhe frymes se miqesise qe ekziston mes dy vendeve. "Ne thirrem dje ambasadorin e Greqise ne Tirane per kete ceshtje, i cili sqaroi se deklaratat e konsullit Ikonomu nuk shprehin qendrimin e shtetit grek, por jane qendrime te tija personale", shpjegoi Turdiu. Vetem dy dite me pare, konsulli grek ne Korce, Theodhorus Ikonomus beri thirrje per ndryshim masiv te kombesise ndersa u kerkoi minoritareve te mos tremben dhe te regjistrohen si greke. I pranishem ne ceremonine e 20 vjetorit te themelimit te deges lokale te OMONIA-s, ai beri thirrje gjithashtu per bashkim te grekeve, ne emer te Vorio-Epirit. "Po, ekzistojne greke ne Korce. Po, vllenjte jane greke. Greke, mos u trembni nga regjistrimi i popullsise, te shpallni origjinen reale",-tha Ikonomus.
PLL:"Denojme deklaratat e konsullit grek"
Partia Levizja e Legalitetit denoi dje me force deklarimet e konsullit grek ne Korce dhe i konsideroi ato nje provokim te hapur ndaj shtetit dhe kombit shqiptar. Sekretari Organizativ i PLL, Ergjent Bufazi u shpreh dje se duke kerkuar regjistrimin e popullsise mbi baze etnie apo fetare, si dhe duke deklaruar se Korca eshte Vorio-Epir, konsulli grek jo vetem qe del nga korniza e sjelljes diplomatike, por nderhyn haptazi ne punet e brendshme te shtetit shqiptar. "Keto deklarime shoviniste te nje diplomati te larte tregojne qarte se politika zyrtare e shtetit grek eshte e njesuar me politiken e qarqeve me te egra shoviniste dhe antishqiptare qe veprojne ne ate vend prej me shume se nje shekulli", u shpreh ai.