Konsumatorët, pa mbrojtje

Me rastin e shënimit të Ditës së konsumatorit, njohës të kësaj çështjeje kanë thënë se shtetasit e Kosovës janë konsumatorë fare të pambrojtur.

Në një konferencë për media, ministrja e Tregtisë dhe Industrisë, Mimoza Kusari – Lila, ka pranuar se situata e tanishme e konsumatorit nuk është në pozitën më të mirë, porse ka premtuar se do të gjenden mënyra adekuate për të pasur nën kontroll më të mirë konsumin e përditshëm të qytetarëve.

Selatin Kaçaniku nga organizata joqeveritare “Konsumatori”, ka lëshuar një varg kritikash në drejtim të institucioneve.