Kontrollet, heqje licence per mjeket e pasjellshem Sonila Isaku

Gabimet qe bejne mjeket ne qendrat shendetesore apo, edhe spitale, do te denoncohen prane Urdhrit te Mjekut nga Instituti i Sigurimeve te Kujdesit Shendetesor. Mjeket, tashme, duhet te kene kujdes me sjelljen ndaj pacientit, si persa i perket trajtimit te duhur, ashtu edhe per menyren e sjelljes ndaj tyre. Pacientet kane bere denoncime ndaj mjekeve qe lidhen me gjuhen e papershtatshme gjate vizites dhe arrogancen. Sipas drejtores se ISKSH-se, Elvana Hana, pervec etikes, si raste me te renda jane denoncuar dhe mjekimet e gabuara dhene pacientit dhe kjo, jo thjesht si gabim njerezor. "Gjuha dhe sjellja jo-etike ndaj pacientit jane paraqitur nder vite. Ka pasur raste shume te renda qe kane pasur te bejne edhe me mjekime jo te pershtatshme me barna, qe nuk duhet te jene ashtu sipas protokolleve. Te gjitha keto raste i kemi denoncuar te Urdhri i Mjekut, por natyrisht, keto jane sporadike, pra te pabazuara ne nje memorandum bashkepunimi, thjesht me disa shkresa qe ne i kemi derguar ne rruge institucionale", thote Hana. Sipas te dhenave, deri me tani, nuk ka pasur nje dokument zyrtar qe t'i hapte rruge denoncimit te abuzimeve. Per kete, ISKSH-ja ka nenshkruar nje memorandum bashkepunimi me Urdhrin e Mjekut, pas konstatimit te dhjetera shkeljeve te renda me pacientet, ne zbatimin e protokollit te mjekimit apo sjelljes jo-etike te bluzave te bardha. "Kur ne kontrollet e ushtruara, ISKSH-ja dhe strukturat vartese konstatojne shkelje nga mjeket gjate ushtrimit te profesionit, te papajtueshme me principet e Kodit te Etikes dhe Deontologjise Mjekesore, marrin persiper t`i relatojne ato ne Urdhrin e Mjekeve, i cili do te shqyrtoje dhe ndeshkoje keto raste, ne vartesi te shkeljeve perkatese, deri ne heqjen e licences se ushtrimit te profesionit", u shpreh Hana. Nga ana tjeter, ISKSH-ja merr persiper gjithashtu, te mos lejoje te punesohen ne institucionet shendetesore mjeke, te cilet nuk jane te pajisur me licencen e leshuar nga Urdhri i Mjekut.

Bluzat e bardha nuk respektojne oraret

Ideja e ketij bashkepunimi mes ISKSH-se dhe UMSH-se per te maksimalizuar sherbimin per pacientet, lindi pas kontrolleve te shumta te ushtruara nga ISKSH-ja ne institucionet shendetesore me te cilat ka kontrate. Disa nga shkeljet e konstatuara kane te bejne me mosrespektimin e orarit te punes nga personeli shendetesor, sjelljen jokorrekte me pacientet, (kryerja e vizites apo lenia mbas dere per nje kohe te gjate, moskryerja e vizites ne shtepi te pacienteve me semundje te rende), etj. Gjithashtu, ne memorandum percaktohet se dy institucionet angazhohen per te gjetur dhe aplikuar format me te pershtatshme per edukimin e vazhdueshem mjekesor, si edhe per te lehtesuar e mundesuar pjesemarrjen sa me te gjere te mjekeve ne keto forma. Dy institucionet do te ushtrojne kontrolle te perbashketa per rastet e korrupsionit ne radhet e profesionisteve te shendetit.